Íþróttabandalag Hafnarfjarðar

Opinn fundur um málefnið konur í stjórnir íþrótta- og tómstundafélaga verður haldinn fimmtudaginn 6. maí í Álfafelli Íþróttahúsinu Strandgötu. Allt áhugafólk um þátttöku beggja kynja í stjórnum íþrótta- og tómstundafélaga er hvatt til að mæta á fundinn.

Dagskrá:

Fer fram í Íþróttamiðstöðinni Laugardal 30. apríl 2010 og er fullástæða til að hvetja alla áhugasama til að mæta.

Dagskrá:

Krabbameinsfélag Hafnarfjarðar í samstarfi við Hafnarfjarðarbæ heldur fræðslufund um munntóbak í Hásölum, safnaðarheimili Hafnarfjarðarkirkju við Standgötu, þriðjudaginn 27. apríl 2010 kl. 20.00. Viðar Jensson verkefnisstjóri hjá Lýðheilsustöð heldur fyrirlestur um "Munntóbaksnotkun á Íslandi" og Geir Bjarnason forvarnarfulltrúi Hafnarfjarðar heldur fyrirlestur um "Forvarnir okkar virka". Fundarstjóri er Leifur Garðarsson. Stjórnarfólk, þjálfarar og foreldrastjórnir íþróttafélaga eru hvattar til að mæta og kynna sér málefnið. Í orðsendingu sem Krabbameinsfélag Hafnarfjarðar sendir frá sér kemur m.a. fram að mikil aukning hafi verið á notkun munntóbaks undanfarið ekki síst hjá ungu fólki sem virðist ekki gera sér grein fyrir þeirri miklu hættu sem fólgin er í notkun þess. Mikilvægt er að allir geri sér grein fyrir hættunni og séu meðvitaðir um þær forvarnir sem geta dregið úr líkum á því að ánetjast þessari fíkn. Krabbameinsfélagið hefur gert tóbaksvarnarplagat með myndum af 14 hafnfirskum íþróttamönnum á og verður það kynnt á fundinum. Hafnarfjarðarbær hefur einnig nýlega endurnýjað bannskilti við tóbaksnotkun í íþróttamannvirkjum bæjarins. 

Laugardaginn 20. febrúar sl. hélt Kvartmíluklúbburinn aðalfund í Álfafelli Íþróttahúsinu við Strandgötu. Á fundinum var kosinn nýr formaður Ingólfur Arnarson. Aðrir stjórnarmenn eru Guðmundur Þór Jóhannsson varaformaður, Friðrik Daníelsson ritari, Jón Þór Bjarnason gjaldkeri, Jón Bjarni Jónsson upplýsingafulltrúi, Baldur Gíslason meðstjórnandi og Rúdólf Jóhannsson meðstjórnandi. Varamenn eru Sigurjón Andersen og Stefán Kristjánsson. Íþróttabandalag Hafnarfjarðar óskar formanninum til hamingju með kjörið og býður hann velkominn til starfa.

Aðalfundur Sundfélags Hafnarfjarðar var haldinn í gær fimmtudaginn 18. febrúar. Dagskráin hófst á því að Dr. Þórarinn Sveinsson dósent við Háskóla Íslands var með erindi um hreyfingu, heilsu og holdafar barna og unglinga. Eftir erindið fóru fram venjuleg aðalfundarstörf samkvæmt lögum félagsins. Kristín Pétursdóttir var kosinn nýr formaður félagsins, aðrir nýir í stjórn eru Guðmundur Rafn Bjarnason, Margrét Valgerður Pálsdóttir, Kristján Guðnason og Björgvin Björgvinsson. Ingibjörg Ragnarsdóttir og Karl Georg Klein halda áfram í stjórninni. Stjórnin kemur til með að skipta með sér verkum á fyrsta stjórnarfundi. Íþróttabandalag Hafnarfjarðar óskar nýjum formanni og stjórnarmönnum til hamingju með kjörið og velfarnaðar í starfi.